Мырзатаева Ақнұр, "5-арна" телекомпаниясының тілшісі

3-ші сынып оқып жүргенде алғашқы өлеңің жазған, мектептегі іс-шараларда жүргізуші болған, кітап оқуды жақсы көреді. 

2018 жылы мектепті «Алтын белгіге» бітіріп, Е.А.Бөкетов атындағы ҚарУ « Журналистика» кафедрасына оқуға түскен. Студент кезінде университет газетіне мақалалар жазды, сюжет жасады және әртүрлі байқауларға қатысты.

 Ақнұр 5-арнаның басшылығы мен қазақ редакциясының редакторы Әсел Сәбитоваға алғысын білдіреді. 

 Ол әртүрлі тақырыпта жаңалық шығарады. Көбінесе бұл спорт, денсаулық, өнер және білім саласына қатысты. Бірақ бәрінен де балалардан сұхбат алғанды ұнатады. Мүмкіндігі шектеулі балалар мен емдеріне қажетті қаражат жинау туралы жиі сюжет түсіреді. 

 Ақнұр үшін байқауға қатысудағы мақсат – жеңіске жету емес, бұқаралық ақпарат құралдарының да балалар мен олардың таланттарын насихаттауға үлкен үлес қосып жатқанын халыққа жеткізу.